მთავარი › მიმართულებები და ფასები › სასაუბრო ინგლისური

ლაპარაკი პირველივე გაკვეთილიდან

სასაუბრო ინგლისური — რომ ბოლოს და ბოლოს ალაპარაკდე

„წესები ვიცი, ვერ ვლაპარაკობ“ — ეს ყველაზე ხშირი წინადადებაა, რომელსაც პირველ შეხვედრაზე ვისმენ. კარგი ამბავი ისაა, რომ ეს ცოდნის პრობლემა არ არის, ჩვევისაა.

350 ₾ / 8 გაკვეთილი · 75 წთ · უფასო 20-წუთიანი გაცნობა

დაჯავშნე უფასო გაცნობა ფასები და პაკეტი

სკოლაშიც და კურსებზეც ინგლისურს ხშირად ისე ვსწავლობთ, თითქოს გამოცდა გველოდება: ვწერთ, ვავსებთ, ვთარგმნით. ლაპარაკი კი ბოლოს რჩება — ხოლო რაც ბოლოს რჩება, ჩვეულებრივ საერთოდ არ ხდება.

სასაუბრო ინგლისურის ონლაინ გაკვეთილზე თანაფარდობა შებრუნებულია: დროის დიდ ნაწილს შენ ლაპარაკობ, მე ვუსმენ, ვინიშნავ და მხოლოდ შემდეგ ვასწორებ. შუაში არ გაწყვეტინებ — თორემ აზრი დაგეკარგება და შიში დაბრუნდება.

ვსაუბრობთ იმაზე, რაც შენ გეხება: სამსახური, ფილმები, მოგზაურობა, ბავშვის სკოლა, ის, რაც წუხელ მოხდა. ხელოვნური დიალოგები სახელმძღვანელოდან („ჩემი ოჯახი ოთხი კაცისგან შედგება“) აქ არ გვჭირდება.

ვისთვისაა

გრამატიკა იცი, პირს ვერ ხსნი

ტესტს კარგად წერ, ცოცხალ საუბარში კი წინადადებას ვერ იწყებ. ეს იმას ნიშნავს, რომ ცოდნა გაქვს, წვდომა კი — არა. სწორედ წვდომაზე ვმუშაობთ.

სამსახურში უცხოელ კოლეგებთან გიწევს ლაპარაკი

შეხვედრა, სატელეფონო ზარი, არაფორმალური საუბარი ყავაზე. თითოეულს თავისი ფრაზები აქვს და ისინი ვარჯიშდება.

მოგზაურობ ან ემიგრაციას აპირებ

აეროპორტი, სასტუმრო, ექიმთან ჩაწერა, ბანკი, კითხვა ქუჩაში — ყოველდღიური სიტუაციები, სადაც პასუხი წამებში გჭირდება.

შეცდომის გეშინია

ეს ყველაზე ხშირი მიზეზია. გაკვეთილზე შეცდომა სამუშაო მასალაა და არა სირცხვილი — ამ დამოკიდებულების შეცვლა ხშირად უფრო მეტს იძლევა, ვიდრე ახალი გრამატიკა.

როგორ მიდის

ოთხი ნაბიჯი

თემა შენი

ყოველი გაკვეთილი ცოცხალი საუბრით იწყება. თემას ერთად ვირჩევთ ისე, რომ შენს რეალურ ცხოვრებას ეხებოდეს.

შეცდომებს ვიწერ, არ გაწყვეტინებ

ლაპარაკის დროს ვნიშნავ. საუბრის დასრულების შემდეგ ვარჩევთ: სამ-ოთხ ყველაზე მნიშვნელოვან შეცდომას — არა ყველას, თორემ არაფერი დარჩება.

ფრაზები, არა ცალკეული სიტყვები

ვსწავლობთ მთელ ბლოკებს — „I was about to…“, „It depends on…“, „to be honest…“. ცოცხალი მეტყველება ასეთი ბლოკებისგან იწყობა.

გამეორება მომდევნო გაკვეთილზე

რაც წინა ჯერზე შეცდი, შემდეგ გაკვეთილზე თავიდან გხვდება — უკვე სხვა კონტექსტში. ასე ხდება ცოდნა ჩვევად.

ფრაზები, რომლებზეც ვვარჯიშობთ

ცალკეული სიტყვების ნაცვლად ვსწავლობთ მზა ფრაზებს, რომლებიც კონკრეტულ სიტუაციაში მაშინვე გამოგადგება. აი, რამდენიმე მაგალითი:

☕ კაფე და რესტორანი

Could I get a coffee to go, please? — ყავა წასაღებად შეიძლება?

Is this seat taken? — ეს ადგილი დაკავებულია?

Can we have the bill, please? — ანგარიშს მოგვიტანთ?

💼 სამსახური და ონლაინ შეხვედრა

Sorry, you're breaking up. — ბოდიში, ხმა გიწყდება.

Can I just add something here? — შეიძლება, აქ რაღაც დავამატო?

Let me get back to you on that. — ამაზე მოგვიანებით გიპასუხებ.

✈️ მოგზაურობა

How do I get to the city centre from here? — აქედან ცენტრში როგორ მივიდე?

My luggage hasn't arrived. — ბარგი არ ჩამომივიდა.

Is it within walking distance? — ფეხით მისვლა შეიძლება?

🏥 ექიმი, ბანკი, ყოველდღიური საქმეები

I'd like to make an appointment. — ვიზიტზე ჩაწერა მინდა.

I've had a headache since yesterday. — გუშინდლიდან თავი მტკივა.

Could you spell that for me, please? — ასო-ასოდ ხომ ვერ მიკარნახებთ?

რაზე ვსაუბრობთ — დონის მიხედვით

A1–A2 · დასაწყისი

დღის რუტინა, საყიდლები, გზის კითხვა, მოგზაურობის გეგმა, ექიმთან ჩაწერა — მოკლე, მაგრამ ცოცხალი დიალოგები.

B1 · თავისუფლებისკენ

სამსახური და კოლეგები, ფილმი თუ სერიალი, რჩევის თხოვნა და მიცემა, ამბავი, რომელიც თავს გადაგხდა.

B2–C1 · აზრის დაცვა

უთანხმოება და კამათი, სამუშაო გასაუბრება, მოლაპარაკება, სიახლეები და შენი შეფასება — ისე, რომ სიტყვებს არ ეძებდე.

როგორ იცვლება პირველი თვის განმავლობაში

კვირა 1

ვსაუბრობთ და ვზომავთ: სად წყდება წინადადება, რომელი სიტყვები გაკლია, რა ერევა. ეს ჩანაწერი მთელი კურსის საფუძველი ხდება.

კვირა 2

პირველი ფრაზული ბლოკები და ყველაზე ხშირი შეცდომების გასწორება. ჩვეულებრივ ეს დროებია და წინდებულები.

კვირა 3

გრძელი მონაკვეთები: ისტორიის მოყოლა თავიდან ბოლომდე, გაჩერების გარეშე. აქ სიმშვიდე ჩნდება.

კვირა 4

რთული სიტუაცია — უთანხმოება, თხოვნა, ახსნა. თვის ბოლოს იმავე თემას ვუბრუნდებით, რომლითაც დავიწყეთ.

სამი შეცდომა, რომელიც საუბარს ყველაზე ხშირად აფერხებს

❌ I am here since Monday.
✅ I have been here since Monday. — ქართული „ორშაბათიდან აქ ვარ“ აწმყოშია, ინგლისური კი Present Perfect-ს ითხოვს.

❌ How you say this in English?
✅ How do you say this in English? — კითხვაში დამხმარე ზმნა do იკარგება — ეს ლაპარაკში ყველაზე ხშირად ხდება.

❌ I very like it.
✅ I like it a lot. — very ზმნასთან არ დგება; ქართული „ძალიან მომწონს“ პირდაპირ არ ითარგმნება.

რატომ არ იძლევა შედეგს „უბრალოდ მეტი ლაპარაკი“

შეცდომა, რომელიც არავინ გისწორებს, მაგრდება

თუ მხოლოდ ლაპარაკობ და უკუკავშირს არ იღებ, იმავე შეცდომებს იმეორებ — ოღონდ უფრო თავისუფლად. ამიტომ საუბარს შესწორება მოსდევს.

ლექსიკის გარეშე საუბარი მალე მთავრდება

ხუთი წუთი ყოველთვის გამოგივა. მეათე წუთზე სიტყვები გვჭირდება — და ისინი თემატურად უნდა შევაგროვოთ.

ერთი და იმავე თემაზე ლაპარაკი არაფერს ცვლის

ვისწავლე „ჩემი დღე“ და კარგად ვამბობ — მაგრამ პირველივე უცნობ თემაზე ისევ ვჩერდები. ამიტომ თემები განზრახ იცვლება.

ჯგუფში ლაპარაკის დრო იყოფა

ჯგუფურ გაკვეთილზე რვა ადამიანს ერთი და იგივე დრო აქვს გასაყოფი. ინდივიდუალურზე მთელი 75 წუთი შენია.

ფასი

საწყისი პაკეტი

350 ₾ / 8 გაკვეთილი

ერთი გაკვეთილი — 75 წუთი, Google Meet-ში

ლაპარაკის რეგულარული პრაქტიკა უცხო ადამიანის შიშის გარეშე
ცოცხალი ფრაზები, რომლებსაც მართლა იყენებენ
შენი ტიპური შეცდომების სია — და მუშაობა კონკრეტულად მათზე
მოსმენის ვარჯიში ბუნებრივ სიჩქარეზე
გამოთქმის შესწორება იქ, სადაც ის აზრს ცვლის
თავდაჯერებულობა, რომელიც პრაქტიკიდან მოდის და არა რჩევებიდან

დაჯავშნე უფასო გაცნობა

IELTS, ეროვნული გამოცდები, ბიზნეს ინგლისური — ფასი კურსის მიხედვით იცვლება. ფასების გვერდი →

შეფასებები

რას ამბობენ მოსწავლეები

★★★★★

„დიდხანს ვცდილობდი ინგლისურის სწავლას, მაგრამ შედეგი არ მქონდა — ბევრი მასწავლებელი შევცვალე.“

თ

თორნიკე

★★★★★

„უკვე ჩემს უცხოელ კოლეგებთან ინგლისურად გამართულად ვსაუბრობ.“

გ

გიორგი

ყველა შეფასება →

ხშირად დასმული კითხვები

რამდენ ხანში ვილაპარაკებ?

პირველივე გაკვეთილზე ილაპარაკებ — უბრალოდ მარტივად. თავისუფალი საუბრისთვის დრო დონეზეა დამოკიდებული და გაცნობის შემდეგ რეალურ ვადას გეტყვი. კონკრეტულ თარიღს არავინ დაგპირდება.

რა ღირს გაკვეთილები?

საწყისი პაკეტი: 350 ₾ / 8 გაკვეთილი. ერთი გაკვეთილი — 75 წუთი. ფასი იცვლება კურსის მიხედვით; ზუსტ თანხას უფასო 20-წუთიან გაცნობაზე გეტყვი.

გრამატიკას საერთოდ არ ვისწავლი?

ვისწავლი, ოღონდ სხვა თანმიმდევრობით: ჯერ ცოცხალ წინადადებაში ვხვდებით, მერე ვხსნით წესს. მშრალი წესების სია არ გვჭირდება.

რა დონე მჭირდება დასაწყებად?

ნებისმიერი. A1-ზეც შესაძლებელია სასაუბრო გაკვეთილი — უბრალოდ თემები და ტემპი განსხვავებული იქნება.

ონლაინ სასაუბრო გაკვეთილი ისეთივე ეფექტურია, როგორც პირისპირ?

ლაპარაკის ვარჯიშს ეკრანი ხელს არ უშლის — მთავარია, რომ დროის დიდ ნაწილს შენ ლაპარაკობდე. ონლაინ ფორმატში გზაზე დროს არ კარგავ, ამიტომ რეგულარულად მეცადინეობაც უფრო ადვილია.

გაკვეთილებს შორის როგორ ვივარჯიშო?

მცირე დავალებით: ახალი ფრაზებით რაიმე ამბის ხმამაღლა მოყოლა, მოკლე ჩანაწერი ან სერიალის ნაწყვეტის გამეორება. ყოველდღე მცირე დროც საკმარისია — მთავარი სიხშირეა.

აქცენტზე ვმუშაობთ?

გამოთქმას ვასწორებთ იქ, სადაც ის აზრს ცვლის ან გაგებას უშლის ხელს. აქცენტის სრულად „მოშორება“ მიზნად არ დამისახავს — გასაგებად ლაპარაკი უფრო ღირებულია.

რა ხდება გაკვეთილზე, როცა სიტყვა მავიწყდება?

ეს ცალკე უნარია და მას სპეციალურად ვსწავლობთ: როგორ თქვა იგივე სხვა სიტყვებით, ისე, რომ საუბარი არ შეწყდეს. მშობლიურ ენაზეც ხშირად ასე ვიქცევით.

ბლოგი

წაიკითხე ამავე თემაზე

💬სასაუბრო · 5 წუთი

სასაუბრო ინგლისური — როგორ ვისწავლოთ ლაპარაკი, არა მხოლოდ წესები

რატომ ვიცით წესები და მაინც ვერ ვლაპარაკობთ — და რა ექვსი რამ ცვლის ამას: ფრაზები, რეაქციები, კითხვები, მოსმენა.

წაკითხვა →💭სასაუბრო · 5 წუთი

სიტყვა დამავიწყდა — 15 ფრაზა, რომ ინგლისურად საუბარი არ შეწყდეს

რა გააკეთო, როცა ინგლისურად ლაპარაკისას სიტყვა გავიწყდება: 15 მზა ფრაზა, ოთხი ხერხი და თამაში, რომლითაც ამ უნარს გაივარჯიშებ.

წაკითხვა →☕სასაუბრო · 4 წუთი

Small talk ინგლისურად — როგორ დავიწყოთ, გავაგრძელოთ და დავასრულოთ საუბარი

მოკლე საუბარი უცნობთან, კოლეგასთან თუ ონლაინ შეხვედრაზე: ფრაზები დასაწყებად და დასასრულებლად, ფორმულა, რომ საუბარი არ გაწყდეს, და ხაფანგი „I'm normal“.

წაკითხვა →🗣️პრაქტიკა · 5 წუთი

სასაუბრო ინგლისური ზრდასრულებისთვის — 30-დღიანი გეგმა

დღეში 15–20 წუთი, ოთხი კვირა და კონკრეტული დავალებები: როგორ მოიხსნას ის ბლოკი, რომელიც ლაპარაკის დაწყებას გიშლის ხელს.

წაკითხვა →🗨️ლაპარაკი · 3 წუთი

„ყველაფერი ვიცი, მაგრამ ლაპარაკის მეშინია“ — რატომ და რა ეშველება

ეს ნიჭის პრობლემა არ არის. რატომ არ გვასწავლა სკოლამ ლაპარაკი, ხუთი რამ, რაც მართლა მუშაობს, და რას ველოდო პირველ თვეებში.

წაკითხვა →🔟შეცდომები · 5 წუთი

ქართულენოვანი მოსწავლეების 10 ყველაზე ხშირი შეცდომა ინგლისურში

ტიპური შეცდომები ინგლისურში, რომლებსაც ქართულენოვანი მოსწავლეები ხშირად უშვებენ: I'm agree, too/very, say/tell, არტიკლები, -s და სხვა — ❌/✅ მაგალითებით.

წაკითხვა →

სხვა მიმართულებები

📍 რეპეტიტორი თბილისში 🌊 რეპეტიტორი ბათუმში 🎓 IELTS მომზადება 🇺🇸 TOEFL მომზადება 📝 ეროვნული გამოცდები 💼 ბიზნეს ინგლისური 🧒 ბავშვები და მოზარდები ✈️ ინგლისური ემიგრაციისთვის 🌱 ზრდასრულებისთვის 💳 ფასები

გინდა ვნახოთ, შენს შემთხვევაში საიდან დავიწყებდით?

უფასო 20-წუთიან გაცნობაზე დონეს ვადგენ, გისმენ და გეუბნები, როგორი გეგმა გამოვა და რა დაჯდება. არაფერს გავალდებულებს.

დაჯავშნე უფასო გაცნობა Messenger